АҞӘА, мшаԥы 11 – Sputnik, Сариа Кәарацхьиаԥҳа. Дыдрыԥшь-ныха аныхаԥааҩыс дҟалеит Борис Чычба ҳәа ааицҳаит Елыр-ныха аныхаԥааҩ Галтер Шьынқәба.
Ажәлар ацәгьа иацәихьчон, абзиарахь ихьаирԥшуан: Заур Чычба идунеи иԥсахит
Шьынқәба иажәақәа рыла Аҷандара аныхаҿы шьҭрала ныхаԥааҩыс иҟало Чычаа рыжәлантә шиакәу.
"Ныхаԥааҩыс далырхит Борис Чычба. Уи иаб Кәначгьы уаанӡа ныхаԥааҩыс дыҟан", - ҳәа еиҭеиҳәоит Галтер Шьынқәба.
Заур Чычба иԥсҭазаара далҵит 2018 шықәса рзы. Иара Дыдрыԥшь-ныха аныхаԥааҩыс далхын 1992 шықәса рзы. 2012 шықәса рзы Заур Чычба ареспублика аныхаԥааҩцәа Рхеилак дахагылан.
Аԥсуа рдинхаҵарала Аԥсны адгьылҵакыра иахылаԥшуеит аныха-ԥшьақәа быжьба. Дыдрыԥшь-ныха Гәдоуҭа араион Аҷандара ақыҭаҿ ауп иахьыҟоу. Ари аҭыԥ ԥшьахь шамахамзар анеира азин ыҟам. Инеиуагьы аныхаԥааҩ имҩаԥигозар ауп.