АҞӘА, мшаԥы 12 – Sputnik. Аԥсны иҟоу Урыстәыла аладатәи арратә округ аррамаҵзурауаа аҳауаҽацәыхьчаратә зыҟаҵарақәа рҳәаа иҭагӡаны Аԥсны "иақәкыз аракетақәа" ржәылара аԥырҟәҟәааразы рҽазыҟаҵарақәа мҩаԥысуан ҳәа иҳәеит Аладатәи округ апресс-маҵзура аиҳабы, аполковник Вадим Астафьев.
Аполигонқәа "Гәдоуҭа", "Ҵабал", "Нагәалоу" рҟны. Зынӡа аҵара-ҽазыҟаҵарақәа ирылахәын 500-ҩык аррамаҵзурауааи 60 цыра инареиҳаны арратә техникеи.
Аӷа иобиектқәа рыԥшаареи рҭархареи мҩаԥыргон аҳауаҽацәыхьчаратә комплексқәа рхархәарала. Аԥсны иҟоу Урыстәылатәи арратә округ арратә база аррамаҵзурауаа ашьха-абнаратә ҭыԥқәа рҟни амшын иахьаԥну аҭыԥқәа рҿи аррамаҵзурауаа рылшарақәа еиӷьыртәуан, аимадареи анапхгараҭареи рсистемақәа еиҿыркаауан, аԥшыхәратә усқәа нарыгӡон.
Ахархәара рыҭан азенит-ракетатә системақәа С-300, азенит-ракетатә комплексқәа "Оса-АКМ", "Стрела-10", "Игла" ҳәа арбоуп адырраҭараҟны.