АҞӘА, мшаԥы 17– Sputnik, Бадри Есиава. Гал ақалақь астадион аҿы "Риҵеи" "Самырзаҟани" 2:2 ҳәа, еиҭахарыла ихәмарит. Абри атәы Sputnik акорреспондент изеиҭеиҳәеит Аԥсны ашьапылампыл азы Афедерациа адиректор Витали Федоренко.
"Ахәмарырҭа-дәы шыҟац иаанхеит, ахаҭабзиара амам. Ампыл аанкылара уадаҩын. Актәи атаим 1:1 ҳәа ихыркәшан, аҩбатәи атаим аҿы ҩ-мпылк ҭадыршәит", - ҳәа иҳәоит Федоренко.
Ампылқәа ҭадыршәит: "Самырзаҟан" ахәмарыҩ Васили Матуа, (45-тәи 90-тәи аминуҭқәа рзы), Инар Гамисониа (40-тәи аминуҭ), Виктор Ԥимԥиа – (49-тәи аминуҭ).