"Ԥсра зқәым Ҳазшаз ҳаниша инаркны ауаҩытәыҩса ицәа-ижьы иалан ԥсра зқәым аус, аха агәнаҳарақәеи амӡырҩрақәеи ирыхҟьаз дыруп. Ачгара ари аҽынкылара афатә мацарала акәӡам, ари аныҳәара ачгарала ауп, ари аамҭазы иҟаҳҵо зегьы цқьазароуп, ԥырхага ҳара ҳхы иазаҳамуроуп. Уара учгоит, аха уусқәа зеиԥшроугьы удыруазароуп. Ауаҩы ицәгьа уҳәама, дуҭиима, абарҭ зегьы аԥсҭазаара аҟнытә иалхтәуп. Аҵыхәтәантәи амчыбжь азы абри зегьы ухахьы иааганы иаҳа уазхәыцны, Иаса Қьырса игылара аныҳәа уҽалаурхәыроуп. Ауаҩы аӡәы изы иакум аниҳәо иара ихы иаахоит, ухы иаԥырхагоу ауп иҟауҵо. Ачҳара ыҟазароуп, ауаҩы угәы нирхазаргьы- уара ичҳа. Абзиабара, арыцҳашьара ыҟазароуп", - ҳәа азгәеиҭеит Аб Бассариан Аԥлиа.
Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.