Амца иамҽханакит: аҟәатәи ашкол ахыбра абылра

Аҟәатәи ашкол №2 ахыбра ргылан 1870 шықәса рзы. Аԥхьанатә аҳәса рпрогимназиа ҳәа акәын ишыҟаз, хылаԥшра алҭон аҳкәажәԥҳәыс Мариа Федор-иԥҳа.

1904 шықәса рзы аҩбатәи аихагыла хагалан. 1909 шықәса рзы аа-класски иҟаз агимназиа ҳәа ахьӡырҵеит, аимператор Александр III иԥҳа, аҳкәажәҭыԥҳа Ксениа Александр-иԥҳа хылаԥшра азылуан.

Аҩбатәи ашкол аҵаҩцәа егьырҭ ашколқәа рахь еихыршоит

ХХ ашәышықәса 20-тәи ашықәсқәа рзы Аҟәатәи аҩбатәи абжьаратә школ ҳәа еиҭаркит.

1942 шықәса рзы Александр Сергеи-иԥа Пушкин ихьӡ зху аурыс школ ахьыӡҵахеит. Асовет аамҭақәа раан ашкол азеиԥшҵаратә усҳәарҭаны иҟалеит.

1992-1993 шықәсқәа рызтәи аԥсуа-ақырҭуа еибашьраан ахыбра блит.

2008 шықәса рзы ашкол № 2 Урыстәылатәи Афедерациа афинанстә цхыраарала еиҭашьақәыргылан.

1 / 14

Аҩбатәи ашкол амца ырцәоуп аха аихагылеиҩкаагақәа ҭыԥқәак рҿы еилаҳар алшоит ҳәа иҳәеит Аԥсны АҶА аминистр ихаҭыԥуаҩ Тигран Делибалтиан.

2 / 14

Аҩбатәи аҟәатәи ашкол амца акит аԥшьаша, лаҵара 2 рзы.

3 / 14

Аԥсны Аҵареи аҭҵаарадырреи рминистр Адгәыр Какоба.

4 / 14

Аԥсны АҶА аҷаԥшьаратә хәҭахьы аҭел иасны адырра ҟаҵан аԥшьаша, ашьыжь асааҭ 6:40 рзы.

5 / 14

Ашкол ахыбра амца акит.

6 / 14

Пушкин ихьӡ зху аҟәатәи аҩбатәи абжьаратә школ анапхгаҩы Ирина Повирскир.

7 / 14

Ашкол ааигәа-сигәа инхо ауааи, ашколхәыҷқәа рҭаацәеи.

8 / 14

Аҟәатәи абжьаратә школ №2 аҵаҩцәа аамҭала аҵара рҵалоит латәарадатәи аҟәатәи ашколи ахатә школ "Альфеи" рҟны.

9 / 14

Аҭыԥ ахь инеиит Аԥсны ахада Рауль Ҳаџьымбеи Аҵареи аҭҵаарадырреи рминистр Адгәыр Какобеи.

10 / 14

1500 метр ԥшьыркца амца акны иҟан ҳәа иҳәоит Делибалтиан.

11 / 14

Аҭыԥ аҿы аус руеит шәҩык инарзынаԥшуа амцарцәаҩцәеи жәаба инареиҳаны атехникеи.

12 / 14

Амцарцәаҩцәа ражәақәа рыла аиха иалху аиҩкаагақәа ашыра ӷәӷәа иахҟьаны иҭаҳар алшоит.

13 / 14

Ашкол амаҭәахәқәеи, арҵаҩцәеи аҵаҩцәеи рдокументқәа еиқәырхан.

14 / 14

Асааҭ 9:30 рзы АҶА аусзуҩцәа ирҳәеит "ашкол ахыбра амцарцәара аларшахеит" ҳәа.