Ҵәыџьба еиҭеиҳәеит Аиааира Ду амш азы имҩаԥгахо апарад атәы
© Sputnik
"Мшаԥымза инаркны Аџьынџьтәылатә еибашьра Дуӡӡаҿы игоу Аиааира амш азы апарад аҽазыҟаҵара ҳаҿуп. Иара шьақәгылазаауеит ашьаҟауаа рымацарала, атехника ҟалаӡом. Аҵыхәтәантәи аҽазыҟаҵара ҟалоит лаҵарамза 7 асааҭ жәаба рзы Амҳаџьараа рыԥшаҳәаҿы. Апарад иалахәхоит Урыстәылеи Аԥсныи рырхәҭақәа, иҟалоит 400-ҩык инареиҳаны аруаа. Аныҳәа ишаԥу еиԥш имҩаԥгахоит, иргылахоит апалаткақәа, аекспозициа ҳасабала еиҿкаахоит атехника ацәыргақәҵа. Иара иадгылазаауеит атехника зызку, изхәарҭоу атәы еиҭазҳәало аспециалистцәа", - азгәеиҭеит Ҵәыџьба.
Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.