Сариа Кәарацхьиаԥҳа, Sputnik
РУСДРАМ
Аурыс драматә театр аҿы лаҵара 14 - 15 асааҭ 19:00 рзы ахәаԥшыҩцәа ирыднагалоит Антон Киселиус иқәыргыламҭа "Зегьы сара сԥацәа". Аспектакль асиужет ала ан лԥа иҭаахара агәра лгом. Ахәаԥшыҩцәа рылаӷырӡ аанагоит аспектакль аҭоурых.
Лаҵара 17 асааҭ 19:00 рзы идырбахоит аспектакль "Алахьҟьаҟьа", иара раԥхьаӡа акәны ахаԥшыҩцәа ирыдгалан 2018 шықәса рзы, Фазиль Искандер ихьӡ зху Жәларбжьаратәи акультура афестиваль аҳәаақәа ирҭакны. Аинсценировка автор, арежиссер-ақәыргылаҩ Искандер Сакаев.
Лаҵара 18 асааҭ 12:00 рзы РУСДРАМ аҿы ахәыҷқәа ирызку аспектакль "Аешьа Ажьеи Аешьа Абгахәыҷыи" (арежиссер Анастас Кичик).
Аҳәынҭқарратә филармониа
Аԥснытәи аҳәынҭқарратә филармониаҿ лаҵара 14 асааҭ 13:00 рзы Шәачатәи афилармониа артистцәа иқәдыргылараны иҟоуп амузыкатә лакә "Акалмаҳа аҭаххарала".
Лаҵара 16 - 17 асааҭ 18:00 рзы афилармониаҿ имҩаԥысуеит Аԥсны ахореографиатә коллективқәа реиндаҭлара.
Ацентртә цәыргақәҵатә зал
Лаҵара 17 асааҭ 12:30 рзы Ацентртә цәыргақәҵатә зал аҟны имҩаԥгахоит Витали Џьениа ицәыргақәҵа.