Лаҵара 21 Кавказтәи аибашьра иалаӡыз ргәалашәара иамшуп.
Инџьгьиа еиҭеиҳәеит Амҳаџьырқәа ргәалашәара амш азы минуҭктәи аҿымҭра шеиҿкаахо
© Sputnik
"Асааҭ ааба рзы Аԥсны ахы-аҵыхәа, иара убасгьы Нхыҵ Кавказ, Ҭырқәтәыла минуҭктәи аҿымҭра аҟаҵара - ари еицаҳзеиԥшны ҳаидызкыло ак акәны иҟаларц ҳҭахуп. Ас еиԥш раԥхьаӡа акәны имҩаԥаагоит, уаанӡа абас амҽхак ҭбааны Амҳаџьырқәа ргәалашәра амш азы иҟамлацызт, ауадаҩрақәа цәырнагар алшоит. Амҩа иану, аԥсҟы зку, ҳамҭакы дааҭгыланы, акциа ихы алаирхәыр ҳҭахуп. Дарбанзаалакгьы ари арыцхә ихарҵәаз ргәалашәра иазкны илшап минуҭктәи аҿымҭрала амҩаԥгара. Дахьыҟазаалакгьы, ари Аԥсны ахы аҵыхәа зегьы ирылаҳәоуп", - азгәеиҭеит Инџьгьиа.
Лаҵара 21 Кавказтәи аибашьра иалаӡыз ргәалашәара амш азгәарҭоит Аҟәа>>
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.