Лаҵарамза 8 рзы Аԥсны Атәылахьчара раԥхьатәи аминистр, Аԥсны афырхаҵа, Леон иорденгьы занашьоу Владимир Аршба диижьҭеи 60 шықәса ҵит.
Беииаԥҳа еиҭалҳәеит аинрал Владимир Аршба изку ахәылԥаз шыҟало
© Sputnik
"Урҭ амшқәа рзы аилахара ахьыҟалаз иахҟьаны лаҵарамза 30 рзы иақәҳаршәеит агәалашәаратә еилатәара. Ахәылԥаз аиҿкаара иалахәу ҳамацара ҳакәӡам, атәылахьчара аминистрра иҳадыргалаз аплан инақәыршәаны иҟаҵоуп. Ахәылԥаз аԥыза-министр иааиртуеит. Ааԥхьара рымоуп иҩызцәа, иҭаацәа, аӡәыр дҳацәбжьахазар, аҭамзаара шьҭаҵо ааԥхьара раҳҭоит арадио ҳхы иархәаны. Ахәылԥазы сааҭки бжаки имҩаԥысуеит Аԥснытәи аҳәынҭқарратә филармониаҟны, иалагоит асааҭ 14 рзы", - ҳәа адырра ҟалҵеит Беииаԥҳа.
Шәазыӡырҩла арадио Sputnik Аԥсны аефир.