Манаргиа: ашьапылампыл Анцәа аерманшәа аниаҳауаз, аԥсшәа иимырҳаит
© Sputnik
"Ҳшьапылампыласцәа ибзианы иазыҟаҵоуп. Уи ус шакәу ахәмаррақәа иаҳдырбеит. Апенальти ала аҵахара ҳара иаҳтәӡам. Иҟан аҭагылазаашьақәа, аха ампыл амба иҭамшәеит. 65-тәи аминуҭ ашьҭахь аерманцәа зынӡа ирылшаӡомызт ахәмарра, аха уи аҽны ашьапылампыл Анцәа аерман бызшәа акәын иаҳауаз, аԥсшәа зынӡаск иимырҳаит. Апенальти ҳара иаҳтәым ауп, 2016 шықәсазы Аԥсны иҟалаз ашана даҽазнык ара иҟамлеит", - иҳәеит Манаргиа.
Рашәарамза 6 рзы Шьхатәыла Ҟарабах Аԥсны иеизгоу акомандеи Мраҭашәаратәи Ермантәыла ашьапылмпыласцәеи реиԥылараан апенальти ала аԥсуаа аҵахеит.
Шәазыӡырҩы арадио Sputnik Аԥсны аефир.