Арадио

Ахба: аполитикеи атуризми знапы рылаку рҭахрақәа раԥхьа аҳәынҭқарра иазхәыцроуп

Аԥсны асасааирҭақәа рнапхгаҩцәа ргильдиа ахада Асҭамыр Ахба арадио Sputnik Аԥсны аефир аҟны дазааҭгылеит алхрақәеи атуристтә сезони реиҿыбаара азҵаара. Иалшома урҭ еиваргыланы рымҩаԥгара, ҵакыс иамоузеи ҳҳәынҭқарразы атуризм, насгьы аполитика уи иаԥырхагахар алшома?
Sputnik
Ахба: аполитикеи атуризми знапы рылаку рҭахрақәа раԥхьа аҳәынҭқарра иазхәыцроуп

"Иазхаҵоу ихьыԥшыму ҳәынҭқарраны ҳаҟазарц, ҳбызшәа еиқәҳархарц, ҳасасдкылара ааҳарԥшырц, ҳекономика аҿиаразоуп аҳәынҭқарра заԥаҳҵаз. Ҳара ҳхатәы интерес ааныжьны аҳәынҭқарра аҭахрақәа ҳрызхәыцроуп зегь раԥхьа иргыланы. Уи ашьҭахь ҳхатәы ҭахрақәа ирыхәаша цәырҳгароуп. Атуристтә бизнес иалахәу рхатәы интерес ианашьҭоу, аҳәынҭқарра аҭахрагьы иазхәыцроуп, убас ауп аполитика иаҿугьы", - иҳәеит Ахба. 

Иаҳа инарҭбаау анҵамҭа шәаҳар шәылшоит арадио Sputnik Аԥсны аефир аҟны.