Аҟәатәи иаарту аинститут аҟны сынтәа абитуриентцәа ирыдыргало азанааҭкәа рҟны ԥсахра ыҟаӡам, иааиуа ахәаша инаркны ашәҟәқәа аларҵалар рылшоит аҵараиурҭа иҭалар ӡҭаху, шықәсыктәи аҵара ахә 40 нызқь мааҭ артәоит иарбан занааҭзаалакгьы ҳәа адырра ҟаиҵеит аинститут аиҳабы.
Валери Кәарҷиа иажәақәа рыла, иахьа зегь раԥхьа иргыланы нап зыдкылатәу ҳәа ииԥхьаӡо арахә ааӡара ауп.
"Раионцыԥхьаӡа шә-хык еиҵамкәа зкуа ааӡарҭакәа ргылатәуп, урҭ рыкәшамыкәша арахә рҳәырҭақәа ыҟазароуп. Уи аганахьала маҷк ахшыҩзышьҭра арҭо иалагеит уажәы. Ахәыҷқәа ақыҭанхамҩатә занааҭқәа рҭахӡам, уи азҵаара ахшыҩзышьҭра аҳҭоит. Уи аганхьала иахьа ҳинститут аҟны "ақыҭанхамҩа аекономика" ҳәа азанааҭ ҳамоуп. Араионқәа рҟны ҳцаны ахәыҷқәа иреилҳаркааит уи зегь реиҳа иаҳҭаху занааҭны ишыҟоу", - иҳәеит Кәарҷиа.
Шәаӡыӡырҩы аудио. Иаҳа инарҭбаау анҵамҭа шәаҳар шәылшоит арадио Sputnik Аԥсны аефир аҟны.