Аррамаҵзурауаа арратә биатлон азы аиндаҭлара мҩаԥыргеит

АҞӘА, рашәара 25 - Sputnik. Аԥсны иҟоу Урыстәылатәи арратә база аррамаҵзурауаа раԥхьаӡа акәны аԥхынтәи абиатлон мҩаԥыргеит. Абри атәы ааицҳауеит Аладатәи арратә округ апресс-маҵзура ахада Вадим Астафьев.

Аицлабрақәа ирылахәыз еихшан команда-командала. Командацыԥхьаӡа ԥышьҩык-ԥышьҩык аруаа рылахәын. Зынӡа жәа-командак еиҿкаан.

Аицлабрақәа мҩаԥган аестафета аформат ала х-етапкны. Алахәылацәа 500 метра еиԥхныҩлеит, авинтовкақәа БИ7-2 рыбӷа иқәҵаны.

Афиниш аҿы 50 метра ахарара рыманы имҩаԥган ахысрақәа ҳәа аанацҳауеит апресс-маҵзура.

Аладатәи арратә округ акомандаҟаҵаҩцәа иазгәарҭеит аруаа разыҟаҵара ҳаракы, арҟәшақәа рҿаԥхьа иқәгыло адҵақәа иааинырсланы анагӡара шрылшо.

Иреиӷьу аррамаҵзурауааи акомандақәеи иранашьоуп ахраҿақәеи аҳаҭыртә шәҟәқәеи.