АҞӘА, ԥхынгәы 4 - Sputnik. Аԥсныи Урыстәылеи рҳәаахьчаҩцәа Егры аҳәаа, аушьҭырҭатә ҭыԥ "Егры" аҿы аконтрабанда аԥдырҟәҟәааит. Абри атәы аанацҳауеит Аԥсны иҟоу Урыстәыла АШәМ аҳәаахьчаратә усбарҭа апресс-маҵзура.
70 ҭоԥ рҟынӡа "Leon", "Manchester" амаркақәа иртәу аҭаҭын аалыҵ ахатәы транспорт ала агәыларатә ҳәынҭқаррахь аҭиразы аҳәаа ахыгара рҽазыршәон ҳәа азгәаҭоуп адырраҭараҿы.
Атауар ашәҟәы иҭагаламкәа аҳәаа иахызгоз ахаҿқәа аанкылоуп, аалыҵ Аԥсны аҭакзыԥхықәу аусбарҭақәа ирзынашьҭуп.