АҞӘА, ԥхынгәы 15– Sputnik. Аҩныҵҟатәи аусқәа русзуҩцәа, абаандаҩы Анзор Ҭарба иԥсра иалахуп ҳәа агәаанагара зызрымоу рмаҵуратә напынҵақәа рымхуп. Абри атәы аанацҳауеит аусбарҭа Facebook аҿы.
"Амч ахархәареи амаҵзуратә напынҵақәа рхыҳәҳәареи азинхьчаратә системаҿ аҭыԥ рымамзароуп, азакәан инақәыршәаны аҭакԥхықәрагьы иаҵанакуазароуп. Аҩныҵҟатәи аусқәа русзуҩцәа, абаандаҩы Анзор Ҭарба иԥсра иалаҟьышьуп ҳәа агәаанагара зызрымоу рмаҵуратә напынҵақәа рымхуп", - аҳәоит адырраҭараҿы.
Иара убасгьы иазгәаҭоуп аусбарҭа ахада Гарри Аршба атәылауаҩ Ҭарба иԥсра иадҳәало зегьы рықәнага иақәыршәахоит ҳәа аҳәамҭа иҟаиҵаз.
Аҩныҵҟатәи аусқәа рминистр амаҵзуратә ҭҵаара амҩаԥгаразы адҵа ҟаиҵеит. Уи азы иахәҭаны иҟоу аматериалқәа апрокуратурахь инашьҭуп ҳәа аҳәоит адырраҭараҿы.
Ҭарба Анзор Валикәа-иԥа иҿахәҿыхраан иԥсра иалаху ҳәа иԥхьаӡо ахаҿқәа рыхьыӡқәеи рыжәлақәеи дырзом аусӡбара аинтересқәа инарықәыршәаны ҳәа аанацҳауеит аусбарҭа.
Абаандаҩы Ҭарба Анзор, 1969 шықәса рзы ииз, аԥшьаша, ԥхынгәы 11 рзы иԥсҭазаара далҵит.