"Иахьа зыԥсадгьыл ахь иаар зҭаху рзы амҩақәа аатуа иалагеит. Ауадаҩрақәа ыҟоуп, еилкаау усуп, уахьииз - уахьааӡаз, уыуа-уҭахы, уҩызцәа ахьыҟоу зегьы ҽнак иааныжьны сџьынџь ԥсадгьыл ауп ҳәа уаауеит. Ари ауаҩы иԥсҭазаараҿы стресс дууп, ах уи аԥсихологиатә уадаҩра иаиааиз, ус еиԥш ашьаҿақәа ҟазҵаз иахьа иҳавагылоуп аполитика, аекономика, абизнес, егьырҭ ахырхарҭақәа рҟны. Арҭ иаԥсыуаау ҭаацәарақәоуп. Хымԥада, ари ҳаԥсуа ҳәынҭқарра аргылараҟны иааннакыло аҭыԥ дууп", - иҳәеит Дбар.
Гәылрыԥшь араион Маҷара ақыҭан аҩнеихагылаҿ ауада ҿыцқәа рцаԥхақәа рнапаҿы ироуит зыԥсадгьыл ахь Шьамтәылантә, Ҭырқәтәылантә, Иорданиантә, Нхыҵ Кавказынтә ихынҳәыз ҳџьынџьуаа 48 ҭаацәара. Апроект шықәсыки бжаки раԥхьа иалаган. Иазыԥхьагәаҭан ауада рацәа змоу аҩнқәа ԥшьба рыргылара. Урҭ рҟынтәи ҩба рыргылара ахыркәшарахь инеиуеит, руак аҿы аусурақәа ирылгахьеит. Даҽа 48 ҭаацәара ауадақәа роураны иҟоуп ашықәс анҵәамҭазы ҳәа адырра ҟаиҵеит аминистр.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Анхарҭа ҿыц: ауадақәа рцаԥхақәа рнапаҿы ироуит ҳџьынџьуаа 48 ҭаацәара
Дбар: аԥсуа ҳәынҭқарра аргылараҿы ҳдиаспора иӷәӷәоу аҭыԥ ааннакылоит