ГАГРА, нанҳәа 25- Sputnik. Саида Жьиԥҳа. Гагра араион аҟны, Аԥсны Аҳәынҭқарра Ахада иалхразы рыбжьы арҭеит 57,54% алхыҩцәа.
Гагра араион аҟны, Аԥсны Аҳәынҭқарра Ахада иалхрақәа мҩаԥысит ҳәа иԥхьаӡоуп. Алхратә ҭыԥ хадақәа хәба ирыҵаркуаз алхырҭатә ҭыԥқәа 29 рҟны, аамҭалатәи аихшьаалақәа рыла, 20 сааҭынӡа рыбжьы арҭеит 14417-ҩык ауааԥсыра, аофициалтәи ихарҭәаауи асиақәа рҟны иарбаз 25 нызқьи 55-ҩык алхыҩцәа рахьтә.
"Ажәбатәи алхратә ҭыԥ хадаҟны рыбжьы арҭеит 2567-ҩык алхыҩцәа, ажәабатәи алхратә ҭыԥ хадаҟны 3062-ҩык, ажәеизатәи алхратә ҭыԥ хадаҟны 1828-ҩык, ажәаҩатәи алхратә ҭыԥ хадаҟны 2788-ҩык, ажәеизатәи алхратә ҭыԥ хадаҟны 2631-ҩык алхыҩцәа", - ҳәа рҳәеит алхратә ҭыԥ хадақәа рхантәаҩцәа.
Уажәтәи аминуҭқәа рзы алхырҭатә ҭыԥқәа рҟны абиуллетенқәа рыԥхьаӡара иаҿуп.