АҞӘА, нанҳәа 30 – Sputnik. Аахыҵ Уаԥстәылатәи аган МПРИ аформат ала имҩаԥысуаз аиҿцәажәарақәа аанрыжьит ақырҭуа ган дара ирҳәоз ддырҳарц ахьырҭахымыз ҳәа Sputnik Аахыҵ Уаԥстәыла иазеиҭеиҳәеит Аахыҵ Уаԥстәыла аделегациа анапхгаҩы Егор Кочиев.
"Аахыҵ Уаԥстәылатәи аган адҵаҟаҵарала ахәаша имҩаԥысраны иҟоуп МПРИ аформат ала аиԥылара. Аганқәа аҽазныкгьы иалацәажәараны иҟоуп аҳәынҭқаррақәа рҳәааҿы иҟоу аибарххара", - ҳәа аҳәамҭа ҟаиҵеит аимакшьҭахьтә ҭышәныртәалараз Аахыҵ Уаԥстәыла ахада ихаҭарнак Мурат Џьиоев.
Мышқәак раԥхьа Знауртәи араион ақыҭа Цнелис ааигәара, аҭыԥантәи ауааԥсыра рынхарҭақәа ирцәыхарамкәа, ақырҭуа ар аблокпост аргылара нападыркит.
Аблокпост ахьдыргыло аҭыԥ Аахыҵ Уаԥстәыла аҵакыра иатәуп.
Уаанӡа Аахыҵ Уаԥстәыла аҳәаахьчаҩцәа акәылӡтәы техника ала ареид мҩаԥыргеит аҳәаа иаԥну аҭыԥқәа рҿы.
Нанҳәа 8, 2008 шықәса рзы Қырҭтәыла "Град" ала ареспублика иалахысуа иажәланы аҳҭнықалақь Цхинвал ҟәыбаса ишьҭарҵеит.
Абри ашьҭахь Урыстәылатәи Афедерациа, нанҳәа 26, 2008 шықәса рзы Аԥсни Аахыҵ Уаԥстәылеи рхьыԥшымра азханаҵеит.
Иара убас шәаԥхьар ҟалоит:
Аахыҵ Уаԥстәыла ААР: Қырҭтәыла ахымҩаԥгашьа абџьаршьҭыхрахь икылнагар алшоит