АҞӘА, цәыббра 3 – Sputnik. Аҳәынҭавтоинспекциа аҵаратә усҳәарҭақәа рааигәара азинеиҿкаара мҩаԥыргалоит ҳәа аанацҳауеит Аԥсны ААР Аҳәынҭавтоинспекциа асаит.
Аҩнуҵҟатәи аусқәа рминистр Гарри Аршба иажәақәа рыла, "цәыббра 2 инаркны Аҳәынҭавтоинспекциа аҵаратә усҳәарҭақәа рааигәара азинеиҿкаара дырӷәӷәалоит".
Аԥсны ААР аҟны иазгәарҭеит ашколқәа рҿы аҵара алагара инадҳәаланы амилициа аусзуҩцәа амҩа ишәарҭоу ахәҭақәа рҟны атранспорт ахылаԥшра аҭо амилициа аусзуҩцәа ҷаԥшьалоит ҳәа.
Уи адагьы иазыԥхьагәаҭоуп ашколхәыҷқәа амҩатә ԥҟарақәа дырҵара.
"Ахәыҷқәа заҟа заа амҩақәа рҟны ахымҩаԥгашьа акультура дурҵо аҟара ишьҭыркаауеит", - рҳәеит ААР аҟны.
Аҵарашықәс хацыркхеит цәыббра 2 рзы, избанзар амза раԥхьатәи амш аԥсшьарамш иақәшәеит.