АҞӘА, цәыббра 9 - Sputnik, Асмаҭ Ҵәыџьԥҳа. Аԥсны ахада иалхразы абжьыҭара аҩбатәи атур азеиԥшхәшьара бзиоуп, абри атәы иҳәеит Аԥсны Жәлар реизара аиҳабы Валери Кәарҷиа.
"Аҳәаанырцәтәи анаԥшыҩцәа ҳабжьыҭаразы Европа аҵашьыцыртә еиҿкаарыла имҩаԥгоуп ҳәа ахырҳәааит", - иҳәеит Кәарҷиа.
Аԥсны ахада иалхразы аҩбатәи атур мҩаԥысит цәыббра 8 рзы. Заанаҵтәи адыррақәа рыла Алхас Кәыҵниа изы рыбжьы арҭеит 38 742-ҩык – 46,19%, Рауль Ҳаџьымба изы 39 741-ҩык – 47, 38%.
Зынӡа иааидкыланы цәыббра 8 рзы рыбжьы арҭеит 83 883-ҩык ауааԥсыра. Уи азеиԥш сиа ахыԥхьаӡараҟынтә иартәоит 65, 98%.
Абжьыҭара аофициалтә еихшьаалақәа Аԥсны АКХ ирыланаҳәоит цәыббра 9 рзы.
Аԥсны ахада иалхра аҩбатәи атур мҩаԥысит цәыббра 8 рзы. Еиндаҭлон Рауль Ҳаџьымбеи Алхас Кәыҵниеи.
Аамҭак ала иалырхуан ахада ихаҭыԥуаа – Аслан Барцыци (Рауль Ҳаџьымба) Дмитри Дбари (Алхас Кәыҵниа).