АҞӘА, цәыббра 19 – Sputnik. Ҳазну ашықәс аамзы рыҩныҵҟа, ирццакны аныҟәаразы - Аԥсны 15 430-ҩык амашьына аԥсҟы зку административтә ҭакԥхықәра иақәыршәоуп ҳәа аанацҳауеит Аԥсны аҩнуҵҟатәи аусқәа рзы аминистрра.
Аилагарақәа ирҿагылан ақәԥаразы автотрасса Ԥсоу – Егры иқәыргылахоит афото-видеогәаҭага цҵақәа ҳәа рҳәеит Аԥсны ААР аҿы.
"Аппарат-программатә комплексқәа иара убасгьы амҩатә дыргақәа ықәыргылахоит ареспублика амҩа Ԥсоу-Егры аҟны: Гәылрыԥшь араион, Гагра араион, Гәдоуҭа араион иахьрыҵаркуа", - аҳәоит адырраҭараҿы.
Арҭ акомплексқәа ықәыргылахоит еиҳа ишәарҭоу амҩахәҭақәа рҿы.