АҞӘА, цәыббра 20 - Sputnik. Цәыббра 20 рзы атәыла ахада Иусбарҭа аҿаԥхьа 200-ҩык инарзынаԥшуа идгылаҩцәа еизаны иҟоуп ҳәа ааицҳауеит Sputnik Аԥсны акорреспондент.
Иара убри аҟара ауаа еизаны иҟоуп аоппозициа ахада Алхас Кәыҵниа иганахьалагьы. Урҭ ақалақь апаркқәа руак аҿы игылоуп.
Ауаа азыԥшуп Иреиҳаӡоу Аусӡбамҭа алкаақәа.
Ауаа рацәа анахьгьы арахьгьы еизаны ишыҟоугьы зегь ҭынчрала имҩаԥысуеит. Атәыла ахада Иусбарҭахь инагоуп азинмчратә органқәа русзуҩцәа.
Цәыббра 20 рзы Аԥсны Иреиҳаӡоу Аусӡбарҭа аусура иаҿуп Алхас Кәыҵниа ишшыԥхьыӡ инамаданы.
Иацтәи аилатәараан ирзыӡырҩын аҭакҳәаҩи ашаҳаҭцәеи, аха аҩыратә рҵабыргыгақәа рыҭҵаара иахьымӡеит.
Амчреи аоппозициааи рыдгылаҩцәа реизарақәа ҭынчрыла имҩаԥысуеит
© Sputnik / Бадрак Авидзба
Иара убас шәаԥхьар ҟалоит:
- Иреиҳаӡоу аусӡбарҭаҿы иалагеит Алхас Кәыҵниа ишшыԥхьыӡ ала аӡбаҩцәа реилатәара
Азиндырыҩ: аусӡбара ахада иҭоубашьҭаҵара иаԥырхагам