АҞӘА, цәыббра 27 - Sputnik. Гагратәи аконсултә пункт цәыббра 27 рзы иадыркуеит ҳәа азгәанаҭоит Аԥсны иҟоу Урыстәыла ацҳаражәырҭа Facebook аҿтәи адаҟьаҿы.
"Гагратәи аконсултә пункт аадыртит 2010 шықәса рзы. Убри аахыс иара аԥхынтәи амзақәа рзы аус ауеит, аӡыни ааԥыни аамҭақәа рзы иадыркуеит", - аҳәоит адырраҭараҿы.
Гагратәи аконсултә пункт аадыртит Сергеи Лавров усутә визитла Аԥсны иҟазаараан Аԥсны адәныҟатәи аусқәа рминистри иареи реицәажәарала. Убри инаркны акурорттә сезон аамҭазы аусура хнартуеит, егьырҭ амзақәа рзы иаркуп.
Аконсултә пункт аусура иахықәкуп урыстәылатәи атәылауаҩшәҟәқәа рыҭареи рыԥсахреи иара убасгьы урыстәылатәи атуристцәа ианахәҭоу ацхыраара рыҭара.
Иара убас шәаԥхьар ҟалоит:
- Лавров: Аԥсны жәларбжьаратәи аренаҿы аҭыԥ арӷәӷәара адгылара аҳҭалоит
Аԥсныи Урыстәылеи Аилахәаахәҭшьазы аиқәшаҳаҭрахь аиҭакрақәа аларгалеит