АҞӘА, жьҭаара 15— Sputnik. Аруаа агәаҭарақәа рҳәаа иҭагӡаны арратә техникеи абџьари рыла ахысрақәа мҩаԥыргеит, ашьхараҟны ацифратә еимадарақәа шьақәдыргылеит ҳәа аанацҳауеит РИА Новости Аладатәи арратә округ апресс-маҵзура адыррақәа ҵаҵӷәыс иҟаҵаны.
"Аԥсны иҟоу Аладатәи арратә округ урыстәылатәи арратә база иаалырҟьаны иргылан. Аԥсны иҟоу Аладатәи арратә округ урыстәылатәи арратә база аҽазыҟаҵарақәа рыцымҩаԥыргон Аԥсны аруаа. Агәаҭарақәа мҩаԥыргон аштаб афицарцәа аара иазгәарҭон арратә еилазаара азыҟаҵара аҭагылазаашьа, иаарласӡаны рнап ианҵоу адҵақәа рынагӡашьа", - арбан апресс-реализ аҟны.
Аруаа рхы иадырхәеит аимадара амобилтә комплекс "Редут", адәынтәи еиҭаҵуа аимадара анапхгараҭаратә ҭыԥгьы шьақәдыргылеит.
Апресс-маҵзура аинформациала ауснагӡатә иалахәын 1000 инареиҳаны амотохысыҩцәа, 150 инареиҳаны атехника ҷыда. Иара убасгьы ахархәара рыҭан авиациа: авертолетқәа Ка-52 "Аллигатор", Ми-8АМТШ "Терминатор".
Ар реиҭаҵраан ақыҭақәеи ашьхареи рҟны рдыррақәа аадырԥшуан. Автомабилтә колоннақәа рмашьынарныҟәцаҩцәа ашьха ӡиасқәеи аҭҳәаақәеи ирхысуан, ҷыдала ирыҭаз аԥынгылақәа ирҿысуан. Акәылӡылас атехникеи "аӷа" ирмчқәеи иреихсуан.