Аблоҭиа: ахәыҷқәа аҩны аԥсуа мультфильмқәа, аԥсуа фильмқәа дырбалатәуп
© Sputnik
"Ахәыҷы хымԥада, амультик аума, афильм аума, ибзиазар, дахәаԥшуеит. Изгәамҭаӡакәагьы абызшәа ихаҿы иаанхоит. Иланааӡогьы маҷым. Ахәыҷы раԥхьа ахәышҭаара бызшәа ирҵатәуп, уи ала иацәажәалатәуп. Нас ауп алитература аналугаша хәыҷ-хәыҷы. Ҳара абызшәа рзымдырӡакәа ашкол аҿы иарала изыԥхьо еилыркаар ҳҭахуп. Аҩны аԥсуа мультикқәа, аԥсуа фильмқәа дырбалатәуп, абызшәа раҳалароуп еснагь. Уажә ашьыжь иаахҵәаны амультикқәа аԥсышәала иахәаԥшуазар, асабша иааизакны идырбатәуп, убри ахәыҷқәа ашьцылароуп", - ҳәа азгәеиҭеит Аблоҭиа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.