Ҭарба: сынтәа афеихоа аҽаҩра бзиоуп, аха ахә маҷуп
© Sputnik
"Сынтәа афеихоа аура хар амаӡам, зынӡа ибзиаӡоуп ҳәа ҳазҳәом. Иара ишаԥу еиԥш ирацәаны ианаҿало иссахоит, имаҷны ианҿоу ахаҭабзиара бзиоуп, аха, рыцҳарас иҟоу, сынтәа ахә маҷуп. Ақыҭауаа 100-300 шьаҭа еиҭаҳан измоу дыҟоуп, уажәазы дара ҩажәа мааҭ ҳәа ирҭиуеит, ари даара имаҷуп. Иахҭныҵуа абаҳча ахаҭа алоубартә иҟам. Аҳәаа иузахыгар бзиоуп, 50-60 мааҭ ҳәа иуҭиуеит. Афеихоа бзиарас иалоу иара иаԥырхагоу ахәаҷа-маҷақәа маҷуп, апты акәзар, зынӡа ааигәа инеиуам", - ҳәа азгәеиҭеит Ҭарба.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.