АҞӘА, абҵара 6 – Sputnik, Бадраҟ Аҩӡба. Ажәбатәи аинтеллектуалтә хәмаррақәа мҩаԥысраны иҟоуп Аԥсны абҵара 9 - 10 рзы ҳәа Sputnik акорреспондент изеиҭалҳәеит аинтеллектуалтә клуб "Дюна" ахада Асиа Саносиан.
"Ҳара имҩаԥаагоит ахәмаррақәа: "Иарбан? Иаба? Ианба?", "Бреин-ринг", "Ахатәы хәмарра". Иҳаҩсхьоу ашықәсқәа раан еиԥш, имҩаԥгахоит алхратә турқәа", - ҳәа еиҭалҳәоит Саносиан.
"Ахатәы хәмарра" аиҿкааҩцәа авидео ала аҭыхра ргәы иҭоуп. Авидео аинтернет аҿы изҭаху зегь иахәаԥшыр рылшоит.
"Иарбан? Иаба? Ианба?" ахь уаанӡеиԥш даҳзаауеит Михаил Скипски. Иара ҩынтә "Аҵәцаштә ты" даиааихьеит", - лҳәоит лара.
Аинтеллектуалтә хәмаррақәа рзы IX Аԥсны ачемпионат мҩаԥысраны иҟоуп Иван Папасқьыр ихьӡ зху Амилаҭтә библиотекаҿы.
Ачемпионат алахәхара зҭаху аиҿкааҩцәа рыҽрымардар рылшоит асоциалтә ҳақәа рҟны.
"Иарбан? Иаба? Ианба?", "Бреин-ринг" рылахәхаразы акомандатә зыҳәа ыҟазароуп, "Ахатәы хәмаррахь" аӡәы изыҳәа азхоит. Ауаҩы аҭел даҳзасуеит, ҳара ашәҟәы дҭаагалоит", - лҳәоит аинтеллектуалтә клуб "Дюна" ахада Асиа Саносиан.
Аинтеллектуалтә хәмаррақәа рзы IX Аԥсны ачемпионат алахәхаразы мап ззыркша ҳәа акгьы арбам.
Иара убас шәаԥхьар ҟалоит:
Кәыџԥҳа аинтеллектуалтә хәмаррақәа рзы азҵаарақәа ахьынтәаарго еиҭалҳәеит