АҞӘА, абҵара 14 - Sputnik. Автомашьына MITSUBISHI GRANDIS, Аԥснынтәи Урыстәылаҟа аҳәаа иахысуаз аҩныҵҟа аҳазалхыҩцәа ирыԥшааит амаӡаҵәахырҭақәа сигаретла иҭәны.
Аҳазалхыҩцәа Аԥснынтәи аҭаҭынаалыҵ Урыстәылаҟа алагалара аԥдырҟәҟәааит
© Foto / пресс-служба Сочи
Аҳазалхырҭатә аушьҭырҭатә ҭыԥ "Адлер" аусзуҩцәа автомашьынаҿ ирыԥшааит ашәҟәы иҭагаламыз 235 ҭоԥ асигарет.
Закәаншьаҭада аҳәаа иахыргоз атауар аарԥшын амобилтә инспекциа-гәаҭаратә комплекс ахархәарала.
Амашьына зтәыз Краснодартәи атәылаҿацә датәуп. Иазҵаара амҩаԥгараан иара иҳәеит аалыҵ Аԥсны адәқьанқәа руак аҿы ишааихәаз. Атауар асеиԥштәи ахыԥхьаӡарала аҳәаа ахыгара шыҟамлоз дырны амаӡаҵәахырҭақәа ҟаиҵеит.
Атауари автомашьынеи аанкылоуп. Аҭҭын аалыҵ аекспертизахь инашьҭуп. Административтә зинеилагара ҳәа аусҭҵаарақәа ҩба хацыркуп.
Аҳазалхырҭатә аушьҭырҭатә ҭыԥ "Адлер" аиҳабы Алексеи Быков иажәақәа рыла Евразиатәи аекономикатә еидгыла аҳазалхратә ҵакырахь 200 сигарет иреиҳамкәа аҭагалара ҟалоит.
Иара убас шәаԥхьар ҟалоит:
- Аҳәааҿы аҭаҭынаалыҵ мҩанызгоз амашьына аанкылоуп
Аҳәааҟны иааныркалеит изакәанымкәа иахыргарц ирҭахыз аҭаҭынаалыҵ