Иахьа Аԥсны Жәлар Реизараҿы иалацәажәан иҳаҩсыз амчыбжь азы аҭыԥ змаз ацәгьоуреи аҵыхәтәантәи аамҭазы ишьақәгылаз акриминогентә ҭагылазаашьеи.
"Аҟәа хәыҷи-дуи ахьныҟәо аҭыԥ аҿы иҟалаз ахҭыс зегьы рцәа иҭанарӡыӡит. Иахьагьы иҟаларызеишь ҳәа ауаа ԥшуп. Ԥсуаҵасгьы, ахаҵа ихымҩаԥгашьалагьы ари ахҭыс еилкаашьа амам. Ари аус иахаҵгылатәуп, иаарласны аҭыԥ иқәҵатәуп", - ҳәа азгәеиҭеит Кәарҷиа.
Амҳаџьыраа рыԥшаҳәаҿы абҵара 22 асааҭ 14:40 рзы аиҿахысра ҟалеит. Ақьафурҭа "Сан-Ремо" аҿаԥхьа аҭыԥ змаз аиҿахысраан иҭахеит ҩыџьа ауааԥсыра. Асҭамыр Шамба аҭыԥ аҟны иԥсҭазаара далҵит, Алхас Аҩӡба - ахәышәтәырҭаҟны даннаргаз. Доминика Ақырҭааԥҳа лхы ахәра ӷәӷәа аиуит, уи диаган Ареспубликатә хәышәтәырҭа хада анеирохирургиа аҟәшахьы.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.