АҞӘА, ԥхынҷкәын 13 – Sputnik. Ажәанба имҩа №9 аҿы иҟоу Аминистрцәа Реилазаара аҩбатәи акорпус аҟны аԥсаӡ амца акит ҳәа Sputnik иазеиҭеиҳәеит Аԥсны АҶА аминистр ихаҭыԥуаҩ Саҭбеи Гындиа.
Амцакра ҟалеит Аиустициа аминистрраҿы, аԥшьбатәи аихагылаҿы. Аԥсны АҶА ахаҭарнакцәа амцакра ахьыҟалаз аҭаԥ ахь инеит асааҭ 14:42 рзы.
Амцарцәаҩцәа неиаанӡа, амцарцәагала амца дырцәахьан.
"Абылра аанкылан Ашәарҭадаратә маҵзура аусзуҩ ибзоурала. Иара амца арцәара дахьӡеит", - иҳәеит Гындиа.
Амцакраан аӡәгьы машәыр имыхьит иҳәоит Аԥсны АҶА аминистр ихаҭыԥуаҩ Саҭбеи Гындиа.
Иара убас шәаԥхьар ҟалоит:
АҶА: аӡынтәи аамҭазы амцакрақәа ашәарҭадара атехника ақәымныҟәара иахҟьоит
Аԥсны АҶА: аҵараиурҭақәа рҿы амцакрақәа еиҳарак ацәаҳәақәа реидыслара иахҟьоит