АҞӘА, ԥхынҷкәын 18 - Sputnik. Ашықәс ҿыцазтәи аныҳәақәа рымҩаԥгара аламҭалаз Аԥсны АҶА амцаҽацәыхьчаратә ҭагылазаашьа зеиԥшроу гәарҭоит ашколқәа, ахәыҷбаҳчақәа, аџьармыкьақәа уҳәа рҿы.
Ԥхынҷкәын 18 рзы аинспекциатә гәаҭара иахыжьын аҳәынҭқарратә филармониа. Иара убасгьы ирҭааны ирбеит абжьаратә школқәа №4, №14, аџьармыкьа хада.
"АҶА аинспекторцәа аҵареи акультуреи русбарҭақәа рхаҭарнакцәа амцаҽацәыхьчара аинструкциақәа ддырбоит, игәарҭоит урҭ аусбарҭақәа реиқәыршәашьа", - аҳәоит АҶА адырраҭараҿ.
Аџьармыкьа хадаҿы азхьаԥшра аҭан апиротехника ахьырҭиуа аҭыԥқәа.
АҶА аинспекторцәа ргәаҭаратә уснагӡатәқәа ирыцҵахоит.
Иара убас шәаԥхьар ҟалоит: