АҞӘА, ԥхынҷкәын 23 - Sputnik. Аԥсны ахада Рауль Ҳаџьымба Асҭамыр Қьецба Гагра араион ахада инапынҵақәа неигӡаларц азы Аусԥҟа инапы аҵеиҩит. Абри атәы аанацҳауеит атәыла ахада ипресс-маҵзура.
"Аԥсны Аҳәынҭқарра административ-ҵакыратә акқәа рнапхгараҭаразы" азакәан ахәҭаҷ 24 инақәыршәаны Асҭамыр Шамил-иԥа Қьецба Гагра араион ахада инапынҵақәа неигӡалаит", - ануп аусԥҟа атекст аҿы.
Убри адагьы Рауль Ҳаџьымба Аусԥҟа инапы аҵеиҩит Гагра араион ахада инапынҵақәа назыгӡоз Геннади Сыҷынаа инапынҵақәа рааныжьразы.
Асҭамыр Қьецба Аԥсны аԥыза-министр ихаҭыԥуаҩыс дыҟан.
Уаанӡагьы иара 2006-2011 шықәсқәа раан Гагра араион ахадас дыҟан.