АҞӘА, ԥхынҷкәын 26 - Sputnik. Аԥсны Жәлар реизара-Апарламент адепутатцәа аҩбатәи аԥхьарала иаднамкылеит 2020 шықәсазтәи ареспубликатә биуџьет.
Абиуџьет апроект азы рыбжьы рҭиит 16-ҩык адепутатцәа, 11 – ҩык мап ацәыркит, ҩыџьа рыҽныркалеит.
Адепутатцәа рыхәҭак рықәгыларақәа раан иазгәарҭеит абиуџьет асоциалтә ҭахрақәа ирықәшәом ҳәа.
Апроект иадгалан ариашарақәа аха абжьыҭираан дара зегьы мап рыцәкын.
Ареспубликатә биуџьет ахашәалақәа идыртәоит 8 миллиардки 115 миллиони 485 нызқь мааҭ, аныхрақәа – 8 миллиардки 348 миллиони 485 нызқь мааҭ. Ареспубликатә биуџьет адефицит иартәоит - 233 миллион мааҭ.
Иара убас шәаԥхьар ҟалоит:
- Нанба 2020 шықәсазтәи аҳәынҭқарратә абиуџьет ахҳәаа азыҟаиҵеит
Аминистрцәа Реилазаара абиуџьет усзуҩцәа ркатегориа хадақәа руалафахәы шьҭнахуеит