АҞӘА, ԥхынҷкәын 30 - Sputnik. Аԥснытәи аспортсменцәа Донецк аԥхьахәтә ҭыԥқәа ааныркылеит ҳәа Sputnik иазеиҭеиҳәеит каратеномичи Афедерациа ахада Ҭемыр Ҵлаииа.
Катеи кумитеии рҟны актәи аҭыԥқәа ааникылеит - Геннади Ҵлаииа. Аспортсмен Смел Саӡба аҩбатәи аҭыԥ ааникылеит – кумите акатегориаҿ, ахԥатәи – ҩ-қәԥара хкаҿы. Адам Қапба ахԥатәи аҭыԥ ааникылеит кумите акатегориаҿы, аҩбатәи – ҩ-қәԥара хкаҿы.
Иааидкыланы аԥснытәи аспортсменцәа хә-медалк роуит.
Карате азы Донецктәи Жәлар рреспубликаҿ иаарту атурнир иалахәын Аԥсны, ДЖәР, ЛЖәР рыспортсменцәа. Иара мҩаԥысит Донецк, ԥхынҷкәын 28 рзы.
Иара убас шәаԥхьар ҟалоит:
Аԥснытәи акаратистцәа Урыстәыла ахраҿаз аиндаҭлараҿы ахьтәы медалқәа ранашьахеит
Аҟәатәи акоманда карате киокусинкаи азы атурнир аҿы аиааира ргеит