Ажурналист қәыԥш ишкол аатит апроект SputnikPro аҳәаақәа ирҭагӡаны. Ажурналистика амаӡақәа Ашкол аҵаҩцәа ирызцәыригоит МИА "Россия сегодня" абжьгаҩ, Sputnik аколумнист Олег Дмитриев. Апроект ахь ауаа мызкы иназынаԥшуа иалырԥшаауан. 29-ҩык рҟынтәи 12-ҩык алкаахеит.
Арҵаратә программа SputnikPro – урыстәылатәи амедиаменеџьерцәеи АИХ рҟны аԥышәа ду змоу аҟазауааи имҩаԥырго аӡыргарақәеи амастер-классқәеи рсериоуп. Апрограмма иӡырнагоит ҳаамҭазтәи амультимедиатә информмаҵзурақәа русура атехнологиақәеи астандартқәеи.