"Иахьатәи аамҭазы аԥкрақәа (ашколқәа русураҟны аӡынтәи ахьҭаларақәа ирыхҟьаны - аред.) Аҵара аминистрра мацара акәӡам иахылаԥшуа, Агәабзиарахьчара аминистррагьы. Дара иҟарҵо абжьгарақәа рылоуп аԥкрақәа шалагалоу Аҟәа, Гагра, Гәылрыԥшь, Тҟәарчал араионқәа рҟны, Очамчыратәи ашкол-интернати, Аҟәатәи аколлеџьи рҟны. Арҭ аԥкрақәа аамҭас ирзыԥҵәан жәабран 10. Араионқәа зегьы рҟны аҭагылазаашьа хылаԥшра арҭоит асанитартә-епидемиологиатә станциа аусзуҩцәа. Ашәахьа ҩаԥхьа еилацәажәаны аӡбамҭа рыдыркылоит аԥкрақәа ирыцҵахо, иаҟәыххо. Аԥкрақәа избан иаҳа аиҵбыратә классқәеи ахәыҷбаҳчақәа рааӡамҭацәеи заҵанаки ҳәа азҵаара цәырҵуазар, урҭ роуп еиҳарак ичмазаҩхаз, насгьы ус еиԥш абжьгара ҟазҵо аҳақьымцәа роуп. Аҳақьымцәа ирыдҵаалаз рхыԥхьаӡара 20 процент еиҵамзароуп акарантин алагаларазы ашколқәа рҟны",- ҳәа азгәеиҭеит Қәҭелиа.
Шәазыӡырҩы аудио. Инеиҵыху анҵамҭа арадио Sputnik Аԥсны аефир аҟны.