АҞӘА, жәабран 11 – Sputnik. Аԥсны Аҵара аминистрра аӡбамҭа аднакылеит Аԥснытәи ашколқәа рҟны аурокқәа 40 минуҭ имҩаԥысларц ареспубликаҿы иҟоу аҳауатә ҭагылазаашьа инамаданы. Абри атәы арадио Sputnik иазеиҭеиҳәеит аусбарҭа апресс-маӡаныҟәгаҩ Аслан Қәҭелиа.
"Макьаназ ари аҩыза алагаламҭа мчыбжьык иҟазаауеит. Ашколқәа зегьы ахьшәашәара иазыҟаҵан ҳәа узҳәом. Уажәтәи ҳаӡбарала аҵаратә мшы сааҭк агхоит. Ԥхьаҟатәи аҭагылазаашьа инақәыршәаны абри алагаламҭа еиҭакхоит", - иҳәеит иара.
Қәҭелиа иажәақәа рыла, ОРВИ змаз ахәыҷқәа рхыԥхьаӡара акыр еиҵахеит жәабран 10 рзы. Убри инадҳәаланы иаԥыхуп уаанӡатәи аԥкрақәа.
"Аԥкрақәа ирыцаҳҵар аԥсшьарамшқәа ҳаркьаҿыр акәхон", - иҳәеит иара.
Жәабран 10 рзы иаԥырхит уаанӡа алагарҭатә классқәеи ахәыҷбаҳчақәеи рҟны иалагалаз аԥкрақәа.
Иара убас шәаԥхьар ҟалоит:
Авирустә чымазарақәа ирыхҟьаны Аҟәа ашколқәеи ахәыҷбаҳчақәеи русура ԥкхоит
Қәҭелиа ашколқәа рҿы аԥкрақәа рышьҭахьтәи аҭагылазаашьа иазкны: иҭышәынтәалоуп