АҞӘА, жәабран 11 – Sputnik, Асмаҭ Ҵәыџьԥҳа. Жәабран 7 инаркны Аԥсны Амиграциатә маҵзура 47-ҩык Узбекисҭани Таџьикисҭани ртәылауаа Аԥсныҟа аҳәаа рахысра азин рымырххьеит ҳәа иҳәеит амаҵзура аиҳабы Андреи Бобуа.
Аԥсны ахада инапынҵақәа назыгӡо Валери Бганба Узбекисҭани, Таџьикисҭани, Китаии, Аҩада Кореиеи, Киргизиеи ртәылауаа Аԥсны аҵакырахь ралалара аԥкразы аусԥҟа инапы аҵеиҩит. Адокумент амчра аиуит жәабран 7 рзы.
"Ауаа аҭагылазаашьа еилыркаауеит. Ҳара адырра раҳҭеит аԥкрақәа хәажәкыра 7 рҟынӡа ишыҟоу. Аԥкырақәа ирыҵаркуам егьырҭ ареспубликақәа рҟынтәи амигрантцәа", - иҳәеит Бобуа.
Акоронавирус иахҟьаны аԥкрақәа алагалан аушьҭырҭатә ҭыԥқәа "Ԥсоуи" "Егри" рҟны жәабран 4 инаркны.
Ажьырныҳәа 15 раахыс Егрытәи аҳәааҟны аус ауеит асанитар-карантинтә пост.
Абри аамҭала аҳәааҟны агәаҭара иахыжьын 11 900-ҩык. Аимҳәа змаз хәҩык аанкылан.
Аҳәааҟны аҳақьымцәа рыбригада аус аулоит хәажәкыра 1 аҟынӡа.
Иара убас шәаԥхьар ҟалоит:
Акоронавирус иахҟьаны зыԥсҭазаара иалҵхьоу рхыԥхьаӡара еизҳауеит
Аҵарауаҩ акоронавирус алаҵәар шалшо атәы еиҭалҳәеит