АҞӘА, жәабран 19 – Sputnik. Урыстәыла ахада Владимир Путин ипресс-маӡаныҟәгаҩ Дмитри Песков Владислав Сурков инапынҵақәа рышьҭаҵара ахҳәаа аиҭеит.
"Сурков шықәсырацәалатәи иԥышәеи, иҟазареи, иҟыбаҩи ахархәара шроуа ҩашьом. Сара дыррак сымам Сурков иаԥхьаҟатәи иусуратә ԥеиԥш азы", - иҳәеит Песков. Абри атәы аанацҳауеит РИА Новости.
Ажурналистцәа Сурков иарбан хырхарҭоу дзызкхар алшо ҳәа рызҵаара аҭак ҟаҵо иара иҳәеит "еиуеиԥшым ахырхарҭақәа дрызкхар ҟалоит" ҳәа.
Урыстәыла ахада Владимир Путин Владислав Сурков ахада ицхырааҩ имаҵзураҟынтәи ихы дақәиҭитәит ҳәа адырра ҟалеит жәабран 18 рзы. Абри азы аусԥҟа кьыԥхьуп Кремль асаит аҿы.
Адокумент амчра аиуеит анапы анаҵаҩха инаркны.
Уаанӡа Сурков аҳәынҭмаҵзура шьҭеиҵоит ҳәа иҳәахьан аполитолог Алексеи Чеснаков.
Сурков Урыстәыла ахада ицхырааҩыс дҟаҵан хәажәкыра 2004 инаркны 2008 шықәсанӡа. 2013 шықәса рзы ИАР атәылақәеи, Аԥсни, Аахыҵ Уаԥстәылеи аус рыцуразы ахада ицхырааҩыс дҟалеит. 2018 шықәса рзы Сурков Урыстәыла ахада ицхырааҩыс деиҭаҟаҵан.
Иара убас шәаԥхьар ҟалоит:
Владимир Путин Иусбарҭа аилазаара шьақәирӷәӷәеит
Аполитолог: Сурков аполитикатә кризис аилгашьа игәаԥхеит