АҞӘА, хәажәкыра 2 - Sputnik. Асанитартә авиациа авертолиот ала Аԥсны ахадарахьы акандидат Аслан Бжьаниа Краснодартәи ахәышәтәырҭақәа руак ахь диагахоит. Уи аԥхьа Бжьаниа Шәачантәи Аԥсныҟа амҩа дшықәыз игәы бааԥсхан, Шәачаәи ахәышәтәырҭа дҭашәеит.
"Хәминуҭк раԥхьа асанитартә авиациа авертолиот Краснодарҟа идәықәлеит. Иҭагылазаашьа ҭышәынтәалоуп, ишьақәыӷәӷәарагьы ҭышәынтәалоуп. Ауаҩы игәабзиара ануашәшәыроу, акома маҷ дҭаргалоит, ицәеижь аԥсы ашьарц. Информациа ҿыцк ҟалар ишәаҳҳәоит", - иҳәеит Аслан Бжьаниа иалхратә штаб аиҳабы Александр Анқәаб.
Абри атәы Александр Анқәаб иҳәеит аштаб аԥхьа еизаз ауаа рҿаԥхьа.
Аԥсны ахадарахьы акандидат Аслан Бжьаниа иаалырҟьаны Шәачатәи ахәышәтәырҭақәа руак дҭашәеит хәажәкыра 2 рзы.
Бжьаниа игәамбзиара инамаданы ахада инапынҵақәа назыгӡо Валери Бганба Апрокурор хада напынҵас ииҭеит Бжьаниа иаалырҟьаны ахәышәтәырҭа дахьҭашәаз аҭагылазаашьақәа ҭиҵаарц.
Иара убас шәаԥхьар ҟалоит:
Бганба Апрокурор хада инапы ианиҵеит Бжьаниа ахәышәтәырҭа дызҭашәаз аҭҵаара
Адгәыр Арӡынба иштабқәа русура ааныркылоит Бжьаниа ахәышәтәырҭа дахьҭашәаз азы
Аслан Бжьаниа игәамбзиара иахҟьаны Леонид Ӡаԥшьба иштабқәа русура ааныркылоит