АҞӘА, хәажәкыра 3 – Sputnik, Сариа Кәарцхьиаԥҳа. Есышықәсатәи ааԥынтә цәыргақәҵа аатит Аҟәа, хәажәкыра 3 рзы.
Ааԥынтәи раԥхьатәи ацәыргақәҵа аадыртит Аҟәа
© Sputnik / Марианна Кубрава
Аԥсуа сахьаҭыхыҩцәа рцәыргақәҵахь инагоуп 60 рҟынӡа усумҭа. Дара Ацәыргақәҵатә зал аҿы иқәыргылахоит хәажәкыра 15 рҟынӡа. Ацәыргақәҵа азырхоуп Аҳәса рымшныҳәа.
Ааԥынтәи раԥхьатәи ацәыргақәҵа аадыртит Аҟәа
© Sputnik / Марианна Кубрава
"Аусумҭақәа иҵегь еиҳаны иҳадгалан аха Асахьаҭыхыҩцәа реидгыла акомиссиа еилнаҟәшәеит. Ари цәыргақәҵатә залуп, ара иӡырырго аусумҭақәагьы рыхәшьара ҳаракызароуп. Ацәыргақәҵа атематика – ааԥын ауп", - иҳәоит Аԥсны Асахьаҭыхыҩцәа реидгыла ахантәаҩы Витали Џьниа.
Иара иажәақәа рыла ирацәоуп аҿар русумҭақәа.
Ааԥынтәи раԥхьатәи ацәыргақәҵа аадыртит Аҟәа
© Sputnik / Марианна Кубрава
"Уи агәахәара унаҭоит. Аҿар ахаарԥшра ргәы азыҳәоит", - иҳәеит Џьниа.
Шәҩыла ақалақь ауааԥсыреи асасцәеи ацәыргақәҵа иаҭааит.
Ацәыргақәҵа аус ауеит хәажәкыра 15 рҟынӡа.
Ааԥынтәи раԥхьатәи ацәыргақәҵа аадыртит Аҟәа
© Sputnik / Марианна Кубрава