АҞӘА, хәажәкыра 4 - Sputnik. Агәабзиарахьчареи асоциалтә еиқәыршәареи рзы аминистрра акарантин аланагалоит ахәышәтәырҭақәеи аполиклиникақәеи рҟны 2020 шықәса мшаԥы 7 рҟынӡа ҳәа аанацҳауеит аминистрра апресс-маҵзура.
Акарантин алагалахоит акоронавирус ахк ҿыц иаҿагыланы ақәԥаразы иақәнагоу Адунеизегьтәи агәабзиарахьчаратә еиҿкаара астандартқәа ахьышьақәыргылоу 18 ҭыԥ рҟны.
Аминистр идҵала ахәшәтәратә усҳәарҭақәа рмедперсонал рхы иадырхәаралоуп русураан ахыхьчагақәа. Иара убасгьы имҩаԥгалатәуп адкыларҭақәа рҿы аультрафиолеттә рԥхарра. Ачымазцәа рыуацәеи рҭааҩцәеи рнеира акыр иԥкхоит.
Адҵа ахылаԥшра инапы ианҵоуп аминистр ихаҭыԥуаҩ Алхас Конџьариа.
Иара убас шәаԥхьар ҟалоит:
Авирус иазку азҵаарақәа рзы иаԥҵахоит иҷыдоу аҭелтә еимадара