Қырҭтәыла ачымазара ахылаԥшразы амилаҭтә Центр аиҳабы Амиран Гамкрелиӡе идыррақәа рыла атәылаҿы ԥшьҩык ауаа ирыдбалоуп авирус ҿыц – коронавирус. Убри аан Аԥсны рыҩҳәаак рҿы ишьақәыргылоуп асанитартә карантинтә постқәа.
"Аԥсны ҩ-ҳәаак рҿы игылоуп асанитартә карантинтә постқәа. Уахи-ҽни аҳақьымцәа аус руеит, уи иабзоураны ачымазара аҿагылара алыршахоит. Аҿкы аԥсаатәқәа рҟынтә ауаҩы иахь ииасуеит ҳәа иҟоу агәаанагарақәа макьана ишьақәырӷәӷәам. Еиҳарак узыцәшәаша агрипп чымазароуп, мамзаргьы ахьҭалалара, уи есышықәса ауаа ҳцәагоит. Коронавирус макьана ҳа ҳҿынӡа имааиӡац, ус еиԥш иагьыҟалом ҳәа агәаанагара сымоуп, избанзар аҳауатә ҭагылазаашьагьы анырра анаҭоит. Иҟалаз аԥхарра акороновирус аҿиара арԥсыҽуеит. Зыӡбахә ҳәоу ачымазара иацәшәатәым ҳәагьы ииашам, уҽаҿаужьыргьы ҟалом, аныҟәарақәа рмаҷтәуп, аха убри аан ихарҟьаны агәҭынчымра аарԥшрагьы заацәоуп", - еиҭалҳәеит Матуаԥҳа.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
Иара убас шәаԥхьар ҟалоит:
- Аԥсны иахьаҵанакуа коронавирус ыҟам
Ауааԥсыра коронавирус рацәыхьчаразы аусбарҭабжьаратә штаб аԥҵоуп