АҞӘА, хәажәкыра 13 - Sputnik. Аԥсны иҟоу Урыстәылатәи арратә база артиллеристцәа Аԥсны ашьхара иахьаҵанакуа аҭыԥқәа рҟны аштаттә хысрақәа мҩаԥыргоит ҳәа аанацҳауеит Урыстәыла Аладатәи арратә округ апресс-маҵзура.
Аррамаҵзурауаа рҽазыҟаҵашьа аадырԥшуеит еиуеиԥшым ахырхарҭақәа рыла.
Аҽазыҟаҵарақәа раан аруаа 20 нызқь рҟынӡа хы ҭдырҟьоит артиллериатә бџьар ала. Арахь иаҵанакуеит 152-миллиметроа згәыцә ыҟоу зхала иныҟәо артиллериатә шьақәгылақәа "Акация", 122-миллиметроа згәыцә ыҟоу ареактивтә система"Град", 120-миллиметроа згәыцә ыҟоу а минометқәа.
Артиллеристцәа ирыцхраауеит амотохысцәа, атанкистцәа, авиациа.
Аҽазыҟаҵарақәа иааидкыланы 100000-ҩык рҟынӡа аруааи 300 ак арратә техникеи рылахәхоит.