АҞӘА, хәажәкыра 20 - Sputnik. Аҟәа, Ешба имҩаҿы игылоу анхарҭаҩны аевкалипт ақәҳаит ҳәа Sputnik иазеиҭеиҳәеит Аҟәеи Аҟәа араиони рҿы амцарцәареиқәырхаратә отриад аиҳабы Ҭемыр Кәыҵниа.
Аҟәа ақалақь аҿы аевкалипт анхарҭаҩны иақәҳаит
© Foto / Дмитрий Счастный
"Аевкалипт жәбаны еихагылоу аҩны иақәҳаит. Уи адагьы амашьынақәа ҩба ԥҽит, урҭ аӡәгьы дырҭатәамызт. Иара убасгьы актәи инаркны аԥшьбатәи аихагылаҟынӡа аԥенџьырқәа ԥҽит", - иҳәеит иара.
Аҟәа ақалақь аҿы аевкалипт анхарҭаҩны иақәҳаит
© Foto / Дмитрий Счастный
Уажәазы аҭыԥ аҿы акоммуналтә маҵзурақәа аус руеит аҵла ԥҟаны ақәгаразы. Амҩаду аҿы амашьынақәа рныҟәара аҵла ахькаҳаз иаԥырхагамхеит иҳәеит Ҭемыр Кәыҵниа.