АҞӘА, хәажәкыра 30 - Sputnik. Хәажәкыра 30 инаркны, рықәра иахьмырԥшыкәа москваа аҩнтәы режим ақәныҟәара рыдҵоуп ҳәа аанацҳауеит аҳҭнықалақь ахада Сергеи Собианин исаит.
"Уаҵәы, хәажәкыра 30 инаркны, рықәра иахьмырԥшыкәа москваа аҩнтәы режим ақәныҟәара рыдҵоуп", - аҳәоит адырраҭараҿы.
Аҩны адәылҵра азин ыҟоуп:
- амедицинатә цхыраара ада ԥсыхәа аныҟам
- усурахь умнеир амуаны ианыҟоу;
- ааигәатәи адәқьан ма аԥҭекахь анеираан;
- аҩнтәы ԥстәқәа адәахьы рдәылгараан (аҩны 100 метрак рыда иацәыхарамкәа);
- абзазаратә гәамсам адәылгараан.
Аусурҭа змам москваа мшаԥы 1 инаркны арегионалтә компенсациа роулоит (19 500 мааҭ).
Москва аоперштаб адҵа ҟанаҵоит Подмосковие ауааԥсырагьы рыҩнқәа аанырмыжьлар шакәу азы.
Иахьазы Москва акоронавирус змоу рхыԥхьаӡара зықьҩык иреиҳауп.
Иара убас шәаԥхьар ҟалоит:
- Урыстәыла аиҳабыра агәмырҿыӷьратә ҭыԥқәа аркызарц абжьгара ҟарҵоит