АҞӘА, мшаԥымза 1 - Sputnik. Аԥсны ахада инапынҵақәа назыгӡо Валери Бганба аусдҵа инапы аҵаиҩит аҳәаанырцәынтә иаауа акарантин рзеиҿкаараз аҭыԥ ҷыдақәа еиҿкаахарц. Абри атәы аҳәоит ахада исаит.
Акарантинтә ҭыԥқәа еиҿкаахоит:
- Гагра араион аҿы – аԥсшьарҭа ҩны "Ԥсоу"
- Гәдоуҭа араион аҿы – апансионат "Черноморец"
- Аҟәа – атуристтә сасааирҭа "Аиҭар"
- Очамчыра араион аҿы – аспортшкол "Абырлаш"
- Гал араион аҿы – Акультура аҩны.
Ауаа рыԥхьакырҭа аиҿкаара рнапы иануп Агәабзиарахьчареи асоциалтә еиқәыршәареи рминистрра, Акурортқәеи атуризми рзы аилак, Аҟәа ақалақь ахадара ацхыраарала.
Акоронавирус иадҳәалоу аҵыхәтәантәи ажәабжьқәа шәрыԥхьар ҟалоит абра>>