Ачымазара ҿкы аҽацәыхьчаразы атәылақәа жәпакы рҿеиԥш Аԥсны иалагалоуп аҭагылазаашьа ҷыда. Ирацәаҩуп аԥҟарақәа еилаганы еиҭанеиааиуа ауаа, аха иҟоуп акарантин иақәныҟәо.
Ажурналист Адгәыр Гәынба арҭ амшқәа ихигоит иқыҭа гәакьа Аҷандара. Иажәақәа рыла, ааԥынразы ақыҭараҿы иҟауҵаша рацәоуп: ацха аԥшра, аҟәынџь ахҟьара, ауҭра абаҳара уҳәа. Феида алыжәга арҭ амшқәа, баша усда шәымтәан иҳәоит Адгәыр.
Ашәаҳәаҩцәа Саида Габниеи Рамина Задеи аҵарауаҩ Саида Ҳаџьыми рабжьгара хәарҭоуп ахәыҷқәа зманы аҩны иҩнахаз анацәа рзы. Аҿартә театр актиор Ахра Кәарҷиа даԥхьоит актуалра зцу, иахьатәи аамҭа иақәҿызҭуа Таиф Аџьба иажәеинраала "Ауаа рныҳәаҿа".
Иара убас шәаԥхьар ҟалоит:
- "Изакәытә аамҭақәоузеи иаҳхаҳгахьоу?!" – акоронавирус ицәырнаго агәалашәарақәа
Афонд "Кьараз" зматериалтә лшара лаҟәу рзы зыда ԥсыхәа ыҟам атауарқәа еиднакылалоит