"Аҩадатәи Ешыра ақыҭа 520 ҭӡы раҟара ыҟоуп, аиҳараҩык атәым милаҭ ҳаланхоит, аԥсуаа 40 ҭӡы ҳауп иҟоу. Ҳамҩақәа рҭагылазаашьа цәӷьам, џьара-џьара хәыҷык аиҭашьақәыргыларатә усурақәа ахьымҩаԥгатәу ыҟоуп, афымцалашара атәы ҳҳәозар, абетонтә шьаҟақәа ааганы ишьҭоуп, аӡы аганахьала уадаҩра ҳамаӡам ҩышықәса раахыижьҭеи.
Ақыҭаҟны атехника ҳамоуп амхы лазҵар зҭаху рзы. Анышәаԥшь ахьыҟоу 7-8 ҭӡы ирцәаӷәахьеит. Ҳадгьылқәа ахьымчу ыҟоуп, ԥхынгәымзазгьы илоуҵар еихьӡоит, аха уадаҩрас иҟоу абылтәы ахә ззышьҭымхуа ыҟоуп. Арахә змоу аҟашәазы мхык ларҵоит акәымзар, аџьықәреи аахәара иаҳа ирзыманшәалоуп", - иҳәеит Хәарцқьиа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
- Ҵәыџьба еиҭеиҳәеит Лашькындар иахьа абзазашьа зеиԥшроу атәы
Беслан Аршба еиҭеиҳәеит Уақәымаа рыбзазашьа атәы