АҞӘА, мшаԥы 9 - Sputnik, Сариа Кәарцхьиаԥҳа. Акоронавирус зыдбалоу аҩбатәи ауаҩгьы раԥхьатәи ачымазаҩ дахьынхоз гагратәи аҩнеихагылаҿы дынхоит ҳәа Sputnik иазеиҭеиҳәеит араион ахада инапынҵақәа назыгӡо Владимир Џьениа.
Иара иажәақәа рыла, аԥҳәыс атест дахыжьын. Уи ишьақәнаргылеит акоронавирус шлымоу.
Иара иҳәеит аԥҳәыс Гәдоуҭатәи ахәышәтәырҭахь дышнагоу. Ари аинформациа шьақәдырӷәӷәеит Акоронавирус аҽацәыхьчаразы аоперативтә штаб аҟны.
COVID-19 змаз ақалақь ауаҩԥсы дахьынхоз аҩнеихагылаҿы инхо зегьы авирус амазаара ашьақәыргыларазы игәарҭеит ҳәа Sputnik уаанӡа иазеиҭеиҳәеит араион ахада инапынҵақәа назыгӡо Владимир Џьениа.
"Ахаҵа аабаны еихагылоу аҩнаҿы дынхон. Ҳара уа инхо зегьы рсиа ҟаҳҵеит. Шьыжьнаҵы Аԥсны АҶА аусзуҩцәа асанитартә рыцқьара мҩаԥыргеит. Аҩны ахьчараҿы игылоуп амилициа аусзуҩцәа уахь аӡәгьы дыҩнамларц, ма ддәылымҵырц азы. Иахьа араион ахадара дара рзы ача аахәаны инарышьҭит", - еиҭеиҳәоит иара.
Убас, мшаԥы 7 рзы аҩнеихагыла ахы инаркны аҵыхәанӡа арзҩыдара азун.
Мшаԥы 8 рзы акоронавирустә инфекциа змоу аҽаӡәгьы дшьақәыргылоуп. Уи COVID-19 змаз Гагра инхоз ауаҩы дызныруаз лоуп.
Иара убас шәаԥхьаҟр ҟалоит:
- Гагра араион аҿы акоменданттә сааҭ аларгалеит
Аҽыԥхьакра – уалԥшьоуп: Валери Бганба аԥсныжәлар рахь ааԥхьара ҟаиҵеит